Kailangan Bang Ipagmalaking Ako'y Isang Pinoy?

Eto ba ang pag-uugali ng isang Pinoy ang ipapakita natin sa buong mundo?

Pumapatay ng tao para lang mapa sakanya ang kapangyarihan.

Hindi ba natin kayang tumanggap ng pagkatalo?

At hindi din ba natin kayang tumanggap ng pagkapanalo sa TAMANG PARAAN?

Kung alam lang siguro ng ating mga yumaong bayani na ganito din pala ang mangyayari sa Pilipinas ay siguro mag-aalangan silang ibuwis ang mga buhay nila para sa kapayapaan at kalayaan ng bansang ito.

Nung isang buwan ay nagpunta ako sa isang banyagang bansa, isang umaga ay nagbabasa ako ng dyaryo.

Hindi ako natutuwang headline ang Pilipinas, dahil ang headline ay ang Maguindanao Massacre.

Ito ba ang ugali ng tunay ng Pilipino?
Akala ko ba ay mapagmahal, magalang at maka-Diyos ang mga Pilipino?

Bakit ganito?

Kung hindi ako nagkakamali, ang Pilipinas lamang ang kilalang Bansang Kristyano sa buong Asya.

Ito ba ang pag-uugali ng isang Kristyano?

Mahiya naman tayo, mahiya naman tayo sa Diyos at ginagamit pa natin ang pangalan niya ngunit pang demonyo din naman pala ang ating mga ugali.

13 years old pa lamang ako at hindi ko dapat pinoproblema ang mga bagay na to.

Sana ay nage-enjoy ako sa mga bagay na dapat ini-enjoy ng mga batang katulad ko.

Ngunit paano ako magwawalang kibo kung ang kinabukasan ko ay nasa kamay din ng Lider ng Pilipinas?

Gusto kong dumating ang araw na maitataas ko ang aking noo at masasabing AKO'Y ISANG PILIPINO.

Dadating ang araw na yun.

Sa panahong itinakda ng Diyos.

Wag naman sana nating hayaang dumating ang araw na lait-laitin na lamang tayo ng mga banyaga.

May mga panlalait na akong naririnig at nababalitaan ngunit ipinaglalaban ko na mali ang ganung klaseng pagtingin nila sa Pilipino..

Ngunit sa mga nangyayari, mukang nagkamali ako sa pag tatanggol sa mga Pilipino.

Hindi naman kulang ang ating pondo, sobra lamang sa kurapsyon.

Nung nagdaang Mayo 10, mapayapa ng maituturing ang nangyaring eleksyon kumpara sa ibang mga eleksyong nagdaan.

Ngunit, hindi ba't kaya naman talaga nating magkaroon ng MALINIS, MAPAYAPA at MATAPAT na eleksyon?
Kaya naman natin ngunit masyado lamang matakaw sa kapangyarihan ang ibang tao.

Kung ang tumatakbong kandidato para sa pagiging lider ay hindi kayang lumaban ng patas, ay hindi siya karapat-dapat maging lider.

At sa magiging bagong lider, sana naman po ay hindi lamang puro pangako at puro salita.

Sana naman po ay may pagbabago na sa Pilipinas, pagbabagong ika-uunlad at ika-bubuti ng bawat mamamayan.

Walang ibang makapagbabago ng buhay nating mga Pilipino kundi TAYO LAMANG.

Sa gabay at pangaral ng Diyos.

Sana ay mabasa ito ng bawat Pilipino at mapag-isipan.

Ako po ay isa lamang trese anyos na babaeng naglalabas ng saloobin.

Dahil marami pa po sa mga susunod na henerasyon ang makakaranas ng ganitong klaseng pamumuhay.

Hindi naman po siguro natin gusto na puro panlalait ang mga sinasabi ng ibang bansa.

Kung ilang taon na ang nakalipas ay mas mayaman pa tayo sa bansang Korea, hindi ba't napaka-gandang isiping maaabot ulit natin iyon?

Maraming salamat po sa pagbabasa at sana'y magbigay ng aral at inspirasyon sa inyo ang aking isinulat.

Atin po sanang muling maipagmalaki na tayo'y Pilipinong may takot sa Diyos.